منتدي تجمع قري قوزالرهيد والسديره ودالجمل والكفتة والعمارة وكريمت المغاربة
مرحباً بك عضواً فاعلاً وفكراً نيراً وقلماً وثاباً في منتدي تجمع قري قوزالرهيد والسديرة والكفته والعمارة وكريمت المغاربة

القمري المظلل صلاح عبد السيد {ابوصلاح } *****

استعرض الموضوع السابق استعرض الموضوع التالي اذهب الى الأسفل

القمري المظلل صلاح عبد السيد {ابوصلاح } *****

مُساهمة  جمال خالد يوسف في الثلاثاء سبتمبر 04, 2012 10:38 am

القمري المظلل بى ورق الأراك
روح لي حبيبي وقولو متين أراك
****
يا الفى قوس حواجبك ناصب لي شراك
بيعك في المحاسن والأرواح شراك
يا الفارم فؤادي يا الضارب ضراك
شيل النوم ورجع قلبي الطاش وراك
****
الــدر المنظم عقــدك ولا فـــاك
والعناب مكنتل أم خضرة شفاك
عيد النظره داوى الجرح الما خفاك
الصد والتدلل والهجران كفاك
****
الظبي المروقل جـــافــل بى وداك
يسكر سمعي صوتك من راحة نداك
يا الكاتل عشوقك بهدل بى عداك
عندك جوز قنابل في صديرك هداك
****
الفرع المفرهد في روضة نداك
شعرك ليل وخدك ولع نور هداك
كيف ما تشيل قلوبنا روحي تروح فداك
والردف المرجرج يلعب بى فداك
****
الصدر المقبقب يا الضامر حشاك
من ميلة ضميرك فرع البانه شاك
بى سهم الرشارش جوّ ضلوعي شاك
أصلك لي ودار أعمارنا الله نشاك
****
تايه فكرى عايم في النور الملاك
من بهجة محاسنك كيف اتاملك
عبدالحـــافظ ابشر حــظك تملاك
هل تدرى أب عوارض إنسان أم ملاك
****
يا المن در مخلق كيف انظم صفاك
وين نومي المعلق يا أب طرفا غفاك
عبدالحافظ أصلك نجم الحظ لفاك
عيش بين سرور أتمتع في صفاك
****
يا جدي التمائم ظل الغيم رعاك
راتع في الخمائل قانص ما سعاك
كيف تصطاد قلوبنا وما الشئ الدعاك
ارجع من هزارك جيب قلبي المعاك flower

جمال خالد يوسف
عضو ذهبي

عدد المساهمات : 257
تاريخ التسجيل : 17/06/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى